UEFA Çempionlar Liqasının I təsnifat mərhələsində “Dinamo” (Tbilisi) – “Neftçi” oyunu öncəsi Azərbaycan təmsilçisinin baş məşqçisi Samir Abasov və futbolçu Voislav Stankoviçin iştirakı ilə mətbuat konfransı təşkil olunacaq.
Sportnet.az xəbər verir ki, iyulun 6-sı Bakı vaxtı ilə saat 19:30-dan etibarən Boris Payçadze adına “Dinamo Arena”nın mətbuat zalında keçiriləcək tədbir “Neftçi TV” vasitəsilə canlı yayımlanacaq.
Konfransdan sonra, saat 20:00-da isə "ağ-qaralar"ın media nümayəndələri üçün açıq məşqi (ilk 15 dəqiqəsi) baş tutacaq.
Eyni məkanda həmin gün saat 18:00-da "Dinamo"nun mətbuat konfransı, 18:30-da isə açıq məşqi (ilk 15 dəqiqəsi) olacaq.
Qeyd edək ki, bu komandalar arasında ilk oyun iyulun 7-si Bakı vaxtı ilə saat 20:00-da Boris Payçadze adına “Dinamo Arena”da, cavab görüşü isə iyulun 14-ü saat 21:00-da “Bakcell Arena”da keçiriləcək.
