Futbol üzrə Azərbaycan Premyer Liqasında VI turun daha bir oyunu keçirilib.
Sportnet.az-ın məlumatına görə, günün ikinci matçında son çempion "Neftçi" "Səbail"in qonağı olub.
Qarşılaşma flaqmanın 3:1 hesablı qələbəsi ilə başa çatıb. "Ağ-qaralar"ın heyətində Yusuf Laval 26-cı dəqiqədə hesabı açıb. Qonaqların yeni transferi Tiaqo Bezerra 45+1-ci dəqiqədə fərqi iki topa çatdırıb. Braziliyalı hücumçu 78-ci dəqiqədə özünün ikinci komandasının üçüncü qoluna imza atıb. 90+5-ci dəqiqədə Nikolas Raysel meydan sahiblərinin təsəlli qolunu vurub.
Qələbə sayəsində xallarının sayını 13-ə çatdıran "Neftçi" birinci pilləyə yüksəlib. Bir oyun az keçirən "Qəbələ" və "Qarabağ" 11 xalla 2-3-cü yerləri bölüşdürür. "Səbail" isə 6 xalla 5-ci sıradadır.
Qeyd edək ki, günün ilk görüşündə "Keşlə" evdə "Sabah"ı 2:0 hesabı ilə üstələyib. İlk oyun günündə "Zirə" evdə "Sumqayıt"ı məğlub edib - 1:0. Tura oktyabrın 3-də oynanılacaq "Qarabağ" - "Qəbələ" qarşılaşması ilə yekun vurulacaq.
--------------------------------------------------
Futbol üzrə Azərbaycan Premyer Liqasında VI turun növbəti oyunu keçirilib.
Sportnet.az-ın məlumatına görə, günün ilk matçında "Keşlə" "Sabah"ı qəbul edib.
"ASK Arena"dakı qarşılaşma meydan sahiblərinin 2:0 hesablı qələbəsi ilə yekunlaşıb. "Keşlə"nin ilk qolunu 3-cü dəqiqədə Merab Giqauri vurub. 90+5-ci dəqiqədə isə Felipe Santos fərqlənib.
Qalib komanda üç dəfə məcburi əvəzetməyə əl atıb. 28-ci dəqiqədə zədələnən Elçin Mustafayevi Rafael Məhərrəmli əvəzləyib. 42-ci dəqiqədə İlkin Qırtımov eyni səbəbdən yerini Kərim Diniyevə verib. 52-ci dəqiqədə isə hesabı açan Merab Giqauri sıradan çıxıb. Gürcüstanlı oyunçunun əvəzinə meydana Rəhman Hacıyev daxil olub.
İlk qələbəsini qazanan "Keşlə" 4 xalla 7-ci pilləyə yüksəlib. "Sabah" isə 1 xalla sonuncu - 8-ci yerdədir.
Qeyd edək ki, günün digər görüşündə "Neftçi" "Səbail"in qonağı olacaq. İlk oyun günündə "Zirə" evdə "Sumqayıt"ı 1:0 hesabı ilə məğlub edib. Tura oktyabrın 3-də oynanılacaq "Qarabağ" - "Qəbələ" qarşılaşması ilə yekun vurulacaq.
----------------------------------------------------
Bu gün futbol üzrə Azərbaycan Premyer Liqasında VI turun daha 2 oyunu keçiriləcək.
Sportnet.az-ın məlumatına görə, hər iki qarşılaşma paytaxtda baş tutacaq.
Günün ilk görüşündə autsaydərlər üz-üzə gələcəklər. Hərəyə 1 xalla 7-8-ci yerləri bölüşən "Keşlə" və "Sabah" münasibətlərinə "ASK Arena"da aydınlıq gətirəcəklər.
Komandalar indiyədək ölkə çempionatında 10 dəfə qarşılaşıblar. Bu oyunların 4-də meydan sahibləri, 1-də qonaqlar qələbə qazanıblar. 4 matçda isə qalib müəyyənləşməyib. Topların nisbəti də Sənan Qurbanovun baş məşqçi olduğu komandanın xeyrinədir - 12:6. “Sabah” son 9 matçda qələbə qazanmayıb. Son üç görüş heç-heçə başa çatıb.
Günün son oyununda "Neftçi" "ASCO Arena"da "Səbail"in qonağı olacaq. Hazırda flaqman 10 xalla 4-cü, "dənizçilər" isə 6 xalla 6-cı pillədə qərarlaşıb. Bu, komandaların öz aralarındakı 16-cı Premyer Liqa matçı olacaq. Əvvəlki 15 qarşılaşmada qonaqlar 10, meydan sahibləri 2 qələbə qazanıb. 3 görüş isə heç-heçə yekunlaşıb. "Ağ-qaralar"ın 34 qoluna rəqibi 10 qolla cavab verib.
“Neftçi” ardıcıl 4 oyunda qələbə qazanıb. “Səbail” isə son 8 matçda qalib gələ bilməyib.
Azərbaycan Premyer Liqası
VI tur
2 oktyabr (şənbə)
17:00. “Keşlə” –“Sabah” - 2:0
Qol: Merab Giqauri, 3. Felipe Santos, 90+5
Hakimlər: Rəşad Əhmədov, Rahil Ramazanov, Rəhman İmami, Rauf Allahverdiyev
Hakim-inspektor: Gülağa Cabarov
AFFA nümayəndəsi: Əsgər Əmirəliyev
“ASK Arena”
19:15. “Səbail” – “Neftçi” - 1:3
Qol: Nikolas Raysel, 90+5 - Yusuf Laval, 26. Tiaqo Bezerra, 45+1. 78
Hakimlər: Vüqar Həsənli, Pərvin Talıbov, Eyyub İbrahimov, Fərid Hacıyev
Hakim-inspektor: Rövşən Əhmədov
AFFA nümayəndəsi: Mübariz Hüseynov
“ASCO Arena”
Qeyd edək ki, ilk oyun günündə "Zirə" evdə "Sumqayıt"ı 1:0 hesabı ilə məğlub edib. Tura oktyabrın 3-də oynanılacaq "Qarabağ" - "Qəbələ" görüşü ilə yekun vurulacaq.
