UEFA Çempionlar Liqasının qrup mərhələsində IV tura yekun vurulub.
Sportnet.az-ın məlumatına görə, turun son 6 oyunundan sonra 1/8 finala daha iki vəsiqənin sahibi bəlli olub.
B qrupunda evdə İspaniyanın "Atletiko" (Madrid) klubunu məğlub edən İngiltərə "Liverpul"u sona 2 tur qalmış pley-offa adlayıb.
C qrupunda isə Niderland "Ayaks"ı Almaniyada "Borussiya" (Dortmund) komandası üzərində əzmkar qələbə sayəsində vaxtından əvvəl növbəti mərhələyə yüksəlib.
Bu qrupun digər görüşündə Türkiyə "Beşiktaş"ı Portuqaliyada "Sportinq"ə 0:4 hesabı ilə uduzub. Bununla da İstanbul təmsilçisi qrupda qalıb.
3 noyabr
UEFA Çempionlar Liqası, IV tur
A qrupu
00:00. "Mançester Siti" (İngiltərə) - "Brügge" (Belçika) - 4:1
Qollar: Fil Foden, 15, Riyad Mahrez, 54, Rahim Sterlinq, 72, Qabriel Jezus, 90+2 - Con Stounz, 17 (avtoqol)
00:00. "Leyptsiq" (Almaniya) - PSJ (Fransa) - 2:2
Qollar: Kristofer Nkunku, 8, Dominik Soboslai, 90+2 (pen.) - Corcinyo Veynaldum, 21; 39
İstifadə olunmamış penalti: Andre Silva, 12 ("Leyptsiq")
Xal durumu: "Mançester Siti" - 9, PSJ - 8, "Brügge" - 4, "Leyptsiq" - 1.
B qrupu
21:45. "Milan" (İtaliya) - "Portu" (Portuqaliya) - 1:1
Qollar: Şansel Mbemba, 61 (avtoqol) - Luis Dias, 39
00:00. "Liverpul" (İngiltərə) - "Atletiko" (Madrid, İspaniya) - 2:0
Qollar: Diequ Jota, 13, Sadio Mane, 21
Qırmızı vərəqə: Felipe, 36 ("Atletiko")
Xal durumu: "Liverpul" - 12, "Portu" - 5, "Atletiko" - 4, "Milan" - 1.
C qrupu
00:00. "Sportinq" (Portuqaliya) - "Beşiktaş" (Türkiyə) - 4:0
Qollar: Pote, 31 (pen.); 38, Paulinyo, 41, Pablo Sarabiya, 56
Qırmızı vərəqə: Xozef Souza, 90 ("Beşiktaş")
00:00. "Borussiya" (Dortmund, Almaniya) - "Ayaks" (Niderland) - 1:3
Qollar: Marko Roys, 37 (pen.) - Duşan Tadiç, 72, Sebastyan Alle, 83, Davi Klassen, 90+3
Qırmızı vərəqə: Matts Hummels, 29 ("Borussiya")
Xal durumu: "Ayaks" - 12, "Borussiya" - 6, "Sportinq" - 6, "Beşiktaş" - 0.
D qrupu
21:45. "Real Madrid" (İspaniya) - "Şaxtyor" (Donetsk, Ukrayna) - 2:1
Qollar: Kərim Benzema, 14; 61 - Fernando, 39
00:00. "Şerif" (Moldova) - "İnter" (İtaliya) - 1:3
Qollar: Adama Traore, 90+2 - Martselo Brozoviç, 54, Milan Şkrinyar, 66. Aleksis Sançes, 82
Xal durumu: "Real Madrid" - 9, "İnter" - 7, "Şerif" - 6, "Şaxtyor" - 1.
------------------------------------
UEFA Çempionlar Liqasının qrup mərhələsində IV turun daha 2 oyunu keçirilib.
Sportnet.az-ın məlumatına görə, B qrupunda İtaliya "Milan"ı evdə Portuqaliya "Portu"su ilə qarşılaşıb. Görüş 1:1 hesablı heç-heçə ilə başa çatıb. Hesabı 39-cu dəqiqədə qonaqlardan Luis Dias açıb. 61-ci dəqiqədə "Portu"nun futbolçusu Şansel Mbemba avtoqol müəllifi olub. Beləliklə, Milan şəhərinin eyniadlı təmsilçiri qrup mərhələsində ilk xalını qazanıb.
Qrupun digər oyununda İspaniyanın "Atletiko" (Madrid) komandası İngiltərədə "Liverpul"a qalib gələrsə, "Milan" pley-off şansını itirəcək.
Digər görüş D qrupunda baş tutub. "Real Madrid" İspaniyada Ukraynanın "Şaxtyor" (Donetsk) klubuna 2:1 hesabı ilə qalib gəlib. "Kral klubu"nun heyətində Kərim Benzema dubl edib. Donetsk təmsilçisindən isə Fernando fərqlənib.
--------------------------------------
Bu gün UEFA Çempionlar Liqasının qrup mərhələsində IV tura yekun vurulacaq.
Sportnet.az-ın məlumatına görə, ikinci oyun günündə daha 8 qarşılaşma keçiriləcək.
A qrupunda "Mançester Siti" İngiltərədə Belçika "Brügge"sini, "Leyptsiq" isə Almaniyada Fransa PSJ-sini sınağa çəkəcək.
B qrupunda günün ilk matçı İtaliyada "Milan" və Portuqaliyanın "Portu" klubları arasında olacaq. Digər görüşdə İngiltərə "Liverpul"u evdə İspaniyanın "Atletiko" (Madrid) komandası ilə qarşılaşacaq. Mersisaydlılar qələbə qazanacağı halda vaxtından əvvəl pley-offa vəsiqəni təmin edəcəklər.
C qrupunda Türkiyənin turnirdəki yeganə təmsilçisi "Beşiktaş" Portuqaliyada "Sportinq"in qonağı olacaq. İstanbul klubu bu oyunda uduzsa, qrupdan çıxmaq şanslarını itirəcək. Qrupun digər matçında Almaniyanın "Borussiya" (Dortmund) klubu Niderland "Ayaks"ını qəbul edəcək. Qonaqlar qalib gələcəyi təqdirdə növbəti mərhələyə adlayacaqlar.
D qrupunda İspaniya "Real Madrid"i evdə Ukraynanın "Şaxtyor" (Donetsk), Moldova "Şerif"i isə İtaliyanın "İnter" komandası ilə üz-üzə gələcək.
Qeyd edək ki, ötən gün baş tutan oyunlardan sonra Almaniyanın "Bavariya" və İtaliyanın "Yuventus" klubları pley-offa vəsiqəni təmin ediblər.
