Portuqaliya millisinin üzvü Kriştianu Ronaldu Qətərdə keçirilən dünya çempionatında ən çox oyundankənar vəziyyətə düşən futbolçudur.
Sportnet.az-ın məlumatına görə, 37 yaşlı hücumçu hazırkı mundialda 7 dəfə belə halla üzləşib. .
Təcrübəli forvard son olaraq İsveçrəni 6:1 hesabı ilə məğlub etdikləri 1/8 final mərhələsinin matçında uğursuzluqla üzləşib. Ronaldu 83-cü dəqiqədə topu qapıdan keçirsə də, qol hesaba alınmayıb.
Bu göstəriciyə görə İspaniya yığmasının futbolçusu Alvaro Morata ikinci sıradadır. 30 yaşlı hücumçu 5 dəfə ofsayda düşüb. "Buğalar" 1/8 finalda əsas və əlavə vaxtı qolsuz bərabərliklə bitən qarşılaşmanın penaltilər seriyasında Mərakeşə uduzaraq mübarizəni dayandırıblar.
Qeyd edək ki, Portuqaliya 1/4 finalda Mərakeşlə üz-üzə gələcək.
