Azərbaycan Premyer Liqasında XIX tura yekun vurulub.
Sportnet.az-ın məlumatına görə, turun son oyununda çempionatın iddialı komandaları “Sabah” və “Neftçi” üz-üzə gəliblər.
Turnir cədvəlində “qonşu” olan rəqiblərin duelindən birincilər qalib ayrılıblar. Murad Musayevin kollektivi matçın taleyini birinci hissədə həll edib. 7-ci dəqiqədə Coy Lens Mikels penaltidən hesabı açıb. Bundan yarım saat sonra Aleksey Kaşuk fərqi iki topa çatdırıb. Komandaların cəhdlərinə baxmayaraq, ikinci hissədə qol vurmaq mümkün olmayıb. Beləliklə, “Sabah” “Neftçi” üzərində 2:0 hesablı qələbə qazanıb.
Bu nəticədən sonra xallarının sayını 46-ya çatdıran “Sabah” ikinci pillədəki mövqeyini möhkəmlədib. “Neftçi” isə 38 xalla üçüncü yerdə qalıb.
Turun digər oyunlarında “Qarabağ” “Turan Tovuz”u (3:2), “Zirə” “Sumqayıt”ı (3:1), “Şamaxı” “Səbail”i (2:1) məğlub edib, “Kəpəz”lə “Qəbələ” qollu bərabərə (2:2) qalıblar.
Qeyd edək ki, Premyer Liqada XX turun görüşləri 30 yanvar - 1 fevral aralığında keçiriləcək.
---------------------------------------
Misli Premyer Liqasında XIX turun daha bir oyunu keçirilib.
Sportnet.az-ın məlumatına görə, günün ilk matçında "Şamaxı" "Səbail"i qəbul edib.
Şamaxı şəhər stadionundakı qarşılaşma bölgə təmsilçisinin 2:1 hesablı qələbəsi ilə bitib. 33-cü dəqiqədə Qoba Zakpa "dənizçilər"i hesabda önə keçirib. 57-ci dəqiqədə Emil Qasımov bərabərlik qoluna imza atıb. 90-cı dəqiqədə Amil Yunanov penaltidən fərqlənməklə "Şamaxı"nın qələbə qoluna imza atıb.
Bu nəticədən sonra xallarının sayını 16-ya çatdıran meydan sahibləri 7-ci pilləyə yüksəlib. Qonaqlar 10 xalla sonuncu - 10-cu sırada qalıb.
Qeyd edək ki, günün və turun sonuncu görüşündə "Sabah" "Neftçi" ilə üz-üzə gələcək. Turun əvvəlki oyunlarında "Kəpəz" evdə "Qəbələ" ilə 2:2 hesablı heç-heçə edib, "Qarabağ" səfərdə "Turan Tovuz"a 3:2, "Zirə" isə evdə "Sumqayıt"a 3:1 hesabı ilə qalib gəlib.
-----------------------------------------
Misli Premyer Liqasında bu gün XIX tura yekun vurulacaq.
Sportnet.az-ın məlumatına görə, sonuncu oyun günündə daha iki qarşılaşma baş tutacaq.
İlk olaraq "Şamaxı" "Səbail"i qəbul edəcək. Bölgə təmsilçisi 13 xalla 8-ci, "dənizçilər" 10 xalla sonuncu - 10-cu pillədə qərarlaşıb. Komandalar indiyədək Premyer Liqada 21 dəfə üz-üzə gəliblər. Bunların 6-da meydan sahibləri, 7-də qonaqlar qələbə qazanıb. Topların nisbəti isə bərabərdir - 21:21.
Turun son matçında "Sabah" "Neftçi" ilə qarşılaşacaq. Meydan sahibləri 43 xalla ikinci, "ağ-qaralar" 38 xalla üçüncü sıradadır. Tərəflər bu vaxtadək ölkə çempionatlarında 17 dəfə görüşüblər. Bunların 12-də "Neftçi", 3-də "Sabah" meydanı 3 xalla tərk edibr. Topların nisbətində qonaqlar aşkar üstündür - 31:13.
Azərbaycan Premyer Liqası
XIX tur
26 yanvar (cümə axşamı)
14:00. "Şamaxı" - "Səbail" - 2:1
Hakimlər: Cavid Cəlilov, Rahil Ramazanov, Rəhman İmami, İslam Məmmədov
Hakim-inspektor: Babək Quliyev
AFFA nümayəndəsi: Elman Musayev
Şamaxı şəhər stadionu.
19:00. "Sabah" - "Neftçi" - 2:0
Qollar: Coy Lens Mikels, 7 (pen.). Aleksey Kaşuk, 37
Hakimlər: Əliyar Ağayev, Akif Əmirəli, Müslüm Əliyev, Rauf Allahverdiyev
Hakim-inspektor: Barış Şimşek
AFFA nümayəndəsi: Elgiz Abbasov
"Bank Respublika Arena".
Qeyd edək ki, turun əvvəlki oyunlarında "Kəpəz" evdə "Qəbələ" ilə 2:2 hesablı heç-heçə edib, "Qarabağ" səfərdə "Turan Tovuz"a 3:2, "Zirə" isə evdə "Sumqayıt"a 3:1 hesabı ilə qalib gəlib.
