"Səbail"in futbolçusu Kizito Luvaqa evdə "Kəpəz"ə qarşı keçirdikləri Azərbaycan Premyer Liqasının XX tur oyununda ciddi zədələnib.
Sportnet.az-ın məlumatına görə, 24-cü dəqiqədə qonaqların kapitanı Yusif Nəbiyevlə toqquşmadan sonra sifətindən xəsarət alan uqandalı hücumçu meydanı xərəkdə tərk edib. 30 yaşlı forvard ilkin tibbi müdaxilədən sonra təcili yardım maşını ilə xəstəxanaya aparılıb.
Afrikalı oyunçunu Samir Abdullayev əvəzləyib.
Qeyd edək ki, hazırda matçda ilk hissə oynanılır və hesab açılmayıb.
