Yeni mövsümün hazırlıqlarını Türkiyədə davam etdirən "Turan Tovuz" bu gün təlim-məşq toplanışı çərçivəsində yoxlama oyununa çıxıb.
Sportnet.az xəbər verir ki, Ayxan Abbasovun komandası Türkiyə 1-ci liqası təmsilçisi “Eyüpspor”la qarşılıb. Bolu şəhərində yerləşən Gerde Esentepe stadionunda keçirilən görüş "Turan Tovuz"un 2:1 hesablı qələbəsi ilə başa çatıb. Komandanın qollarını Fərid Nəbiyevlə və Xəyal Nəcəfov vurublar.
"Eyüpspor"un baş məşqçisi Türkiyə millisinin sabiq üzvü Arda Turandır.
Qeyd edək ki, "Turan Tovuz" bunadək Türkiyədə "Adana Demirspor"la üz-üzə gəlib və 0:2 hesabı ilə uduzub. Komanda daha 1 yoxlama oyunu keçirəcək. Tovuz təmsilçisi iyulun 27-də Tanzaniyanın "Simba Sport" kollektivi ilə qarşılaşacaq.
