UEFA Avropa Liqasının qrup mərhələsinin V turunda “Molde” (Norveç) klubunun qonağı olacaq “Qarabağ”ın oyunöncəsi son məşqi Bakıda keçiriləcək.
Sportnet.az xəbər verir ki, bu barədə klubun saytında yayımlanan açıqlamada bildirilib.
İlk 15 dəqiqəsi media nümayəndələri üçün açıq olacaq məşq sabah – noyabrın 28-də “Azersun Arena”da təşkil olunacaq. Hazırlıq prosesi saat 18:30-da başlayacaq.
Baş məşqçi Qurban Qurbanovun mətbuat konfransı isə Norveçdə keçiriləcək. Noyabrın 29-da keçiriləcək tədbir yerli vaxtla saat 19:00-da (Bakı vaxtı ilə saat 22:00-da) başlayacaq.
Qeyd edək ki, noyabrın 30-da “Molde” stadionunda keçiriləcək “Molde” – “Qarabağ” matçı yerli vaxtla saat 21:00-da (Bakı vaxtı ilə 00:00-da) start götürəcək.
