UEFA-nın rəsmi saytı "Qarabağ" haqqında məqalə dərc edib.
Sportnet.az xəbər verir ki, yazıda Azərbaycan təmsilçisinin Avropa Liqasının pley-off mərhələsində Portuqaliyada "Braqa" ilə ilk oyunda möhtəşəm performans göstərdiyi qeyd olunub:
"Qarabağ"ın arzusu davam edir" başlıq məqalədə yazılıb:
“Qarabağ” 8-ci cəhdində Avropa Liqasının qrup mərhələsini ilk iki pillədə başa vurdu və pley-off matçı heç vaxt təsəvvür edə bilməyəcəyi qədər yaxşı keçdi. Çünki onlar "Braqa"ya qalib gəlmək üçün möhtəşəm performans göstərdilər və Portuqaliyada 4:2 hesablı qələbə qazandılar.
Azərbaycandakı cavab oyununda onların görəcəyi çox iş var. "Köhlən atlar" klub tarixində ilk dəfə 1/8 final mərhələsinə yüksəlmək arzusundadır. Komandanın baş məşqçisi Qurban Qurbanov xəbərdarlıq edib: “Biz arxayın olmamalıyıq, cavab oyununa çox ciddi yanaşmalıyıq”. "Braqa kimi komandalar nəticəni çox tez öz xeyrinə çevirə bilir".
