Futzal üzrə Azərbaycxan milli komandası aprelin 4-də Bakıda start götürəcək "Birinci Türk Universitetləri İdman Oyunları"nda (Türk Universiadası) iştirak edəcək.
Sportnet.az-ın AFFA-nın rəsmi saytına istinadən verdiyi məlumata görə, yığma qalib adı uğrunda Türkiyə, Qazaxıstan və Qırğızıstan komandaları ilə mübarizə aparacaq. Oyunlar aprelin 5-də, 6-da və 8-də Azərbaycan Texniki Universitetinin idman zalında keçiriləcək.
Milli komanda bu gündən yarışın hazırlığına başlayıb. Joze Alesio da Silvanın rəhbərliyi ilə kollektivin məşqləri Bakı İdman Sarayında keçirilir. Məşqlərə 18 futzalçı dəvət edilib. Oyunlar zamanı isə baş məşqçi 2-si qapıçı olmaqla, ümumilikdə 12 futzalçının xidmətindən yararlana biləcək.
Toplanışa dəvət edilən oyunçular:
Rövşən Hüseynli ("Araz”)
Ramiz Çovdarov ("Araz”)
Oktay Rüstəmli ("Araz”)
Nihad İsmayılov ("FK.İD.Futsal”)
Fərid Atakişiyev (EKOL)
Kamran Hacıyev ("Marafon Futsal”)
İbrahim Zeynalov ("Marafon Futsal”)
Tofik Əliyev ("Marafon Futsal”)
Rüstəm Bağırzadə ("Marafon Futsal”)
Vladislav Vorobyov ("Yasamal”)
Elçin Zeynalov ("Xəmsə”)
Əli Həsənov ("Xəmsə”)
Yamin Ağakərimzadə ("Xəmsə”)
Eşqin Tağıyev ("İtaldizain”)
Raqif Eyvazov ("İtaldizain”)
Mirmehdi Rzayev (ADBTİA)
Vüsal İsayev ("Baku Fire”)
Qüdrət İsmayılov ("Baku Fire”)
Qeyd edək ki, Birinci Türk Universitetləri İdman Oyunları Aprelin 4-dən 11-dək keçiriləcək. Qaydalara əsasən yarışda turnirin startına qədər 28 yaşı tamam olmamış idmançılar iştirak edə bilər.
