"Azərbaycan və Macarıstan qrupun favorit komandalarıdır. Bosniya və Herseqovina yığması da öz gücünə görə iki komandadan geri qalmır. Ancaq biz də zəif komanda deyilik.
Biz meydanda Albaniya üçün ürəyimizlə oynayırıq. Əgər biz ürəyimizlə oynayırıqsa, bütün komandalar üçün çətindir. Azərbaycanla görüşdə də ürəyimizlə oynayacağıq və onlar üçün çətin olacaq". Bunu Sportnet.az-a açıqlamasında Albaniya millisinin üzvü Rey Karaca deyib.
Albaniya yığmasının gənc futzalçısı Azərbaycan millisindən çəkinmədiklərini bildirib: "Azərbaycan millisinin heyətində güclü futzalçılar var. Bizim üçün çətin olacağı aydındır. Amma rəqibdən çəkinmirik. Sona qədər də mübarizə aparmaq istəyirik. Ola bilər ki, uduzarıq. Ancaq oyuna qələbə üçün çıxacağıq”.
