Türkiyənin Ərzurum bölgəsində təlim-məşq toplanışında olan "Qəbələ” 2-ci yoxlama oyununu keçirib. Sportnet.az-ın məlumatına görə, "qırmızı-qaralar” həvəskarlar liqasında çıxış edən "Aşkalespor”la qarşılaşıb.
Baş məşqçi Roman Qriqorçuk Ərzurumun U-21 komandası ilə ilk yoxlama oyununda olduğu kimi bu dəfə də əsasən yeni transferlərə və əvəzedici heyətin üzvlərinə şans verib. Görüşdə komandaya hazırlığın Qəbələdəki 2-ci mərhələsində qoşulacaq milli üzvləri də iştirak etməyib.
"Qəbələ” qarşılaşmaya aşağıdakı heyətlə başlayıb: Dmitri Bezotosnı, Ürfan Abbasov, Rafael Santos, Murad Musayev, Dodo, Qismət Alıyev, Aleksey Qay, Samir Zərgərov, Asif Məmmədov, Rəşad Sadiqov, Emin Zamanov.
Fasilədə Andrey Popoviç Dmitri Bezotosnını, Roman Hüseynov Emin Zamanovu əvəzləyib.
Görüş "Qəbələ”nin 10:0 hesablı qələbəsi ilə başa çatıb. Qonşu ölkədə 2-ci oyununu keçirən "qırmızı-qaralar" bu gün səhər məşqindən sonra vətənə qayıdacaq.
"Qəbələ”-"Aşkalespor” – 10:0
Qollar: Aleksey Qay 12. Asif Məmmədov 15. Dodo 25; 26. Samir Zərgərov, 48; 57; 77. Rəşad Sadiqov, 66. Qismət Alıyev, 68; 69
Qeyd edək ki, "Qəbələ" hazırlıq çərçivəsindəki ilk oyunda Ərzurumun U-21 komandasını 2:1 hesabı ilə məğlubiyyətə uğradıb.
