"Bakı 2015" I Avropa Oyunlarında qadın voleybolçular arasında 1/4 final oyunlarına yekun vurulub. . Sportnet.az-ın məlumatına görə, Azərbaycan milli komandası Hollandiya yığması ilə qarşılaşıb.
Millimiz görüşü 3:0 hesablı qələbə ilə başa vurub.
Avropa Oyunları
Voleybol yarışı, qadınlar
1/4 final
19:00. AZƏRBAYCAN - Hollandiya - 3:0 (25:21, 25:23, 25:14)
Komandamız yarımfinalda Türkiyə ilə qarşılaşacaq. İki komanda qrup mərhələsində də üz-üzə gəlib. Həmin vaxt Türkiyə 3:0 hesabı ilə qalib gələrək, qrup lideri kimi mərhələ adlayıb. Qardaş ölkə təmsilçisi 1/4 finalda Rusiyanı məğlubiyyətə uğradıb - 3:1 (25:18, 23:25, 25:22, 25:19).
Digər yarımfinalçılardan biri isə Almaniyanı 3:2 (25:23, 25:17, 18:25, 14:25, 15:10) hesabı ilə yenən Polşa olub. Bu komanda Serbiya yığması ilə üz-üzə gələcək. Serbiya dramatik keçən 1/4 final qarşılaşmasında Belçikanı yenib - 3:2 (25:22, 19:25, 25:14, 21:25, 19:17).
Qeyd edək ki, yarımfinal qarşılaşmaları iyunun 25-də keçiriləcək.
Qeyd edək ki, yarımfinal qarşılaşmaları iyunun 25-də keçiriləcək.
