Sentyabrın 6-da Malta yığması ilə AVRO-2016-nın seçmə qrup matçında üz-üzə gələcək futbol üzrə Azərbaycan milli komandası səfərə yollanıb. Sportnet.az-ın "Report"a istinadən məlumatına görə, çarter reysi ilə yola düşənlər arasında milli üzvləri və jurnalistlərlə yanaşı, AFFA Məşqçilər Komitəsinin sədri Vaqif Sadıqov da olub.
Sabah komanda üzvləri oyunun keçiriləcəyi Ta Qali Milli Stadionunda ilk və son məşqə çıxacaqlar. Ertəsi gün Bakı vaxtı ilə saat 21:00-da iki komanda arasında qarşılaşma start götürəcək. Matçı Harald Nexlerin rəhbərliyi altında avstriyalı hakimlər briqadası idarə edəcək.
