Azərbaycan və Moldovanın futbol üzrə milli komandaları arasında yoldaşlıq görüşü Bakı Olimpiya Stadionunda keçiriləcək. Sportnet.az-ın məlumatına görə, bu barədə "Report"a stadionun direktoru Cavid Qarayev bildirib.
Onun sözlərinə görə, noyabrın 17-də təşkil olunacaq qarşılaşma saat 21:00-da başlanacaq. C.Qarayev oyuna hazırlıq işlərinə oktyabrın 27-dən start verəcəklərini açıqlayıb.
Qeyd edək ki, bu, Bakı Olimpiya Stadionunda keçiriləcək ikinci futbol matçı olacaq. 69 min tamaşaçı tutumuna malik arenada ilk qarşılaşma oktyabrın 10-da Azərbaycan və İtaliya milliləri arasında AVRO-2016-nın seçmə qruo matçına təsadüf edib.
