Noyabrın 17-də Moldova yığması ilə yoldaşlıq görüşü keçirəcək Azərbaycan milli komandası futbolçu itkisi ilə üzləşib. Sportnet.az-ın AFFA-nın rəsmi saytına istinadən verdiyi məlumata görə, Almaniyanın "Karlsrue” klubunun üzvü Dmitri Nazarov zədələnib.
Bu səbəbdən, 25 yaşlı hücumçu toplanışa qatılmayacaq. Nazarov AVRO-2016-nın seçmə qrup mərhələsində 3 qol vuraraq, millimizin bombardiri olub.
Qeyd edək ki, Bakı Olimpiya Stadionunda keçiriləcək Azərbaycan Moldova matçı saat 21:00-da başlanacaq.
