"Qəbələ" və AZ komandaları Hollandiyada keçirilmiş yoxlama matçında Ukrayna səmasında Malayziyaya məxsus Amsterdam - Kuala Lumpur reysli təyyarənin vurulması nəticəsində həlak olanların xatirəsi anılıb. Sportnet.az-ın məlumatına görə, oyundan öncə faciə qurbanları 1 dəqiqəlik sükutla anılıb.
Komandalar meydançaya qara sarğı ilə çıxıblar. Görüş isə AZ-nin qələbəsi ilə yekunlaşıb - 2:0.
Qeyd edək ki, "Qəbələ" Hollandiya toplanışı çərçivəsində üçüncü oyununu iyulun 23-də Türkiyə təmsilçisi "Konyaspor"a qarşı keçirəcək.
