"Qarabağ"ın 2 futbolçusu Malta "Valletta"sı ilə Çempionlar Liqasının II təsnifat mərhələsinin cavab görüşündə oynamayacaq. Sportnet.az-ın məlumatına görə, bu barədə Ağdam komandasının baş məşqçisi Qurban Qurbanov açıqlama verib.
O bildirib ki, kapitan Rəşad Sadıqov və zədəli Maksim Medvedev sabahkı qarşılaşmada da meydana çıxmayacaq: "Medvedev gələn həftədən tam komandaya qoşulacaq. Sadıqovun isə vəziyyəti normaldır. Komandanın çoxlu məşqlərini buraxıb. Həm fərdi, həm də komanda ilə məşqləri davam etdirir. Qərara almışıq ki, qarşıdakı matçda da Rəşad oynamasın".
O bildirib ki, kapitan Rəşad Sadıqov və zədəli Maksim Medvedev sabahkı qarşılaşmada da meydana çıxmayacaq: "Medvedev gələn həftədən tam komandaya qoşulacaq. Sadıqovun isə vəziyyəti normaldır. Komandanın çoxlu məşqlərini buraxıb. Həm fərdi, həm də komanda ilə məşqləri davam etdirir. Qərara almışıq ki, qarşıdakı matçda da Rəşad oynamasın".
Qeyd edək ki, iyulun 22-də Tofiq Bəhramov adına Respublika stadionunda keçiriləcək "Qarabağ" - "Valletta" matçı saat 21:30-da başlanacaq.
