Antonio Konte İtaliya milli komandasında baş məşqçilik təklifindən imtina edib. Sportnet.az-ın "Football Italia"ya istinadən məlumatına görə, 44 yaşlı mütəxəssisin fikri qeyri-formal şəraitdə öyrənilib.
Səbəb İtaliya Futbol Federasiyasında yeni prezidentin hələ müəyyənləşməməsidir. Yeni seçki avqustun 11-də olacaq. Konte isə təklifə "yox" deyib. Hazırda əsas namizəd qismində Türkiyə "Qalatasaray"ının sabiq baş məşqçisi Roberto Mançininin adı çəkilir. Yığmanın keçmiş "sükançı"sı Çezare Prandelli isə hazırda məhz "Cim-Bom"a rəhbərlik edir.
Qeyd edək ki, İtaliya millisi 2016-cı il Avropa çempionatının seçmə mərhələsində Azərbaycan yığması ilə eyni qrupda yer alıb. İlk oyun bu ilin 10 oktyabrında Palermoda, təkrar qarşılaşma isə gələn il oktyabrın 10-da Bakıda olacaq.
