"Qarabağ” rəhbərliyi komandanın kapitanı Rəşad Sadıqovla müqavilənin uzadılması ilə bağlı razılığa gəlib. Bu barədə Sportnet.az-a klubun mətbuat katibi Nurlan İbrahimov məlumat verib.
İbrahimovun sözlərinə görə artıq bütün məsələlərlə bağlı anlaşma əldə olunub. Azərbaycan millisinin ABŞ toplanışından qayıtdıqdan sonra 32 yaşlı müdafiəçi ilə yeni müqavilə rəsmiləşəcək. İbrahimov onu da əlavə edib ki, müqavilə ən azı 2 il müddətinə uzadılacaq.
Qeyd edək ki, Azərbaycan millisinin də üzvü olan Rəşad Sadıqov Sadıqov 2008-ci ildən Ağdam klubunun şərəfini qoruyur. O, ötən müddətdə Türkiyənin "Kocaelispor" və "Eskişehirspor" klublarında da çıxış edib.
