"Xəzər Lənkəran"ın sabiq baş məşqçisi Mustafa Dənizli Türkiyənin "Bursaspor” komandasının sükanı arxasına keçə bilər. Sportnet.az-ın kluba yaxn saytlara istinadən məlumatına görə, Superliqa təmsilçisi 64 yaşlı mütəxəssislə də maraqlanır.
Almaniyalı Kristof Daumun ayrılmasından sonra yeni baş məşqçi axtarışlarına başlayan "ağ-yaşıllar” artıq Şenol Günəş və Abdullah Avcı ilə danışıqlar aparıb. Əgər bu məşqçilərlə razılıq əldə olunmasa, "Bursaspor” rəhbərliyi Dənizliyə təklif göndərəcək.
Qeyd edək ki, Mustafa Dənizli 2013–2014-cü il mövsümündə "Xəzər Lənkəran”a rəhbərlik edib. Cənub klubunun rəsmi saytında Dənizlinin göndərildiyi ilə bağlı məlumat yerləşdirilsə də, baş məşqçi saytımıza açıqlamasında komandadan ayrılmadığını deyib.
