Türkiyənin "Qalatasaray" klubunun baş məşqçisi Roberto Mançini istefa verib. Sportnet.az-ın "Corrierre Dello Sport"a istinadən məlumatına görə, bu qərar italiyalı mütəxəssisin klub prezidenti Ünal Aysalla görüşündən sonra verilib.
Artıq bu xəbəri İstanbul klubunun rəsmi saytı da təsdiqləyib. Mənbədə qeyd olunur ki, müqaviləyə tərəflərin qarşılıqlı razılığı əsasında xitam verilib. "Sarı-qırmızılar" bunun üçün Mançiniyə heç bir təzminat ödəməyəcək.
Qeyd edək ki, Mançini "Cim-Bom"un "sükanı arxası"na ötən mövsüm Fatih Terimin istefaya göndərilməsindən sonra gətirilib.
