AZAL üç futbolçu ilə heyətini gücləndirməyi planlaşdırır. Sportnet.az-ın məlumatına görə, bu barədə jurnalistlərə açıqlamasında "təyyarəçilər"in baş məşqçisi Tərlan Əhmədov bildirib.
Yerli mütəxəssis deyib ki, "Qəbələ"nin futbolçusu Tərzin Cahangirov, komandadan ayrılan Bəxtiyar Soltanov və "İnter"dən Tural Hümmətov AZAL-a cəlb olunacaq: "Hər üç futbolçu ilə yaxın zamanlarda müqavilə bağlayacağıq. Bundan başqa bir neçə gənc futbolçunu da heyətə qatmağı planlaşdırırıq".
Qeyd edək ki, Tərlan Əhmədov bu gün Qəbələdə "Qarabağ" və "Neftçi"nin veteran futbolçuları arasında keçirilmiş görüşdə iştirak edib. Matç 1:1 hesabı ilə başa çatıb.
