Voleybolçu qadınlardan ibarət Azərbaycan millisi Tokio-2020 Yay Olimpiya Oyunlarına lisenziya xarakterli Avropa Təsnifat Turnirində növbəti oyununu keçirib.
Sportnet.az-ın məlumatına görə, Vasif Talıbovun baş məşqçi olduğu komandanın ikinci rəqibi Bolqarıstan yığması olub.
Niderlandın Apeldorn şəhərində keçirilən oyun yığmanın 1:3 (23:25, 19:25, 25:21, ) hesablı məğlubiyyəti ilə yekunlaşıb. Azərbaycan millisi ilk görüşdə meydan sahiblərinə 0:3 hesabı ilə uduzub.
Günün digər görüşündə Niderland Polşaya qalib gəlsə, qrup lideri kimi yarımfinala çıxacaq.
Qeyd edək ki, Azərbaycan millisi qrupda sonuncu qarşılaşmasını yanvarın 10-da Polşa kollektivinə qarşı keçirəcək.
Avropa Təsnifat Turniri
9 yanvar
19:00. Bolqarıstan - Azərbaycan 3:1 (25:23, 25:19, 21:25, 25:22)
Apeldorn (Hollandiya), "Omnisport" salonu.
