Qadın voleybolçular arasında Azərbaycan Super Liqasında 2-ci dövrəyə yekun vurulub.
Sportnet.az-ın məlumatına görə, VI turun ilk oyunu "Abşeron" və "Murov" komandaları arasında olub. Azərbaycan Voleybol Federasiyasının idman zalında keçirilən görüş nominal meydan sahiblərinin 3:1 (25:21, 16:25, 25:20, 25:21) hesablı qələbəsi ilə başa çatıb.
Dövrənin və turun son matçında isə "Azerreyl" UNEC-i qəbul edib. Bu oyunda federasiyanın idman zalında baş tutub və meydan sahiblərinin 2:3 (27:29, 25:14, 23:25, 25:16, 12:15) hesablı məğlubiyyəti ilə yekunlaşıb.
Qeyd edək ki, hazırda turnir cədvəlinə 18 xalla "Abşeron" başçılıq edir. 8 xalı olan "Azerreyl" ikinci, ondan 2 xal az toplamış "Murov" üçüncüdür. UNEC isə 4 xalla sonuncudur.
