"Bakı 2015" Avropa Oyunlarında Azərbaycanı təmsil edən Rəsul Məmmədov kişilər arasında 50 metrdən tapança ilə atış növündə çıxış edib. Sportnet.az-ın məlumatına görə, o, 6 atışın nəticəsində 540 xal (92; 90; 88; 90; 88; 92) toplayıb.
Bu nəticə ilə 31 yaşlı idmançı 24-cü yeri tutub. Azərbaycan təmsilçisi mübarizəni dayandırıb.
Qeyd edək ki, təsnifat mərhələsində birinci yeri 567 xalla Serbiya atıcısı Mikiç Damir, ikinci yeri eyni xalla Ukrayna atıcısı Oleq Omelcuk , Türkiyə idmançısı Yusuf Dikec isə 564 xalla üçüncü yeri tutub.
