Azərbaycanı "Bakı 2015" I Avropa Oyunlarında təmsil edən Xaybula Musalov gümüş medal qazanıb. Sportnet.az-ın məlumatına görə, 75 kq çəkidə çıxış edən X.Musalov finalda irlandiyalı Maykl O Reyliyə uduzub- 0:3.
Bununla da Azərbaycan millisi günü 3 qızıl və 1 gümüş medalla başa vurub.
X X X
Azərbaycanı "Bakı 2015" I Avropa Oyunlarında təmsil edən Abdulqədir Abdullayev də qızıl medal qazanıb. Sportnet.az-ın məlumatına görə, 91 kq çəki dərəcəsində çıxış edən Abdullayev döyüş keçirmədən qalib elan olunub.
Onun rəqibi Gevorq Manukyan zədələndiyi üçün döyüşə çıxmayıb.
X X X
Azərbaycan "Bakı 2015"də növbəti qızıl medalını qazanıb. Sportnet.az-ın məlumatına görə, bu dəfə 69 kq çəki dərəcəsində yer alan Pərviz Bağırov rusiyalı Aleksandr Besputinə qalib gəlib - 3:0.
X X X
Azərbaycanı "Bakı 2015" I Avropa Oyunlarında təmsil edən Albert Səlimov final görüşünə çıxıb. Sportnet.az-ın məlumatına görə, 60 kq çəkidə yer alan Səlimov finalda fransalı Sofian Umianı 3:0 hesabı ilə yenərək, qızıl medala sahib olub. Ona qızıl medalı Azərbaycan prezidenti İlham Əliyev təqdim edib.
X X X
