"Neftçi"nin futbolçusu Araz Abdullayev yenidən əsas komandaya qaytarılıb. Sportnet.az-ın əldə etdiyi məlumata görə, Abdullayev komandanın bugünkü məşqində baş məşqçi Arif Əsədovun rəhbərliyi altında çalışıb.
O, məşqdən öncə baş məşqçi Arif Əsədovdan və klub rəhbərliyindən Premyer Liqanın VIII turunda "Sumqayıt"la görüş zamanı əvəzlənərkən, etdiyi hərəkətlə bağlı üzr istəyib. Futbolçunun bu üzrxahlığı qəbul olunub və Abdullayev kollektiv çalışmalara qatılıb.
Qeyd edək ki, Araz Abdullayev ötən turu əvəzedici heyətdə keçirib və dünən Premyer Liqada "İnter"lə görüşü buraxmalı olub.
