Fransalı sabiq qadın tennisçi, "Böyük dəbilqə" seriyalı turnirlərdən 2-nin qalibi Ameli Moresmo hamilədir. Bu barədə Moresmo "Twitter" mikrobloqunda yazıb.
35 yaşlı idmançı bildirib ki, övladı avqustda dünyaya gələcək. Lakin o, uşağın nə cinsini, nə də atasını açıqlayıb.
Qeyd edək ki, Ameli Moresmo 1999-cu ildə 19 yaşında ikən lesbiyan olduğunu açıqlayıb. Hazırda o, britaniyalı tennisçi Endi Murreyin məşqçisi kimi çalışır. Moresmo karyerasını 2009-cu ildə başa vurub. Fransalı tennisçi "Böyük dəbilqə" seriyalı turnirlərdən Avstraliyanın açıq çempionatı və "Uimbldon"u 2006-cı ildə qazanıb.
