Cüneyt Çakırın rəhbərlik etdiyi türkiyəli hakimlər briqadası DÇ-2014-də növbəti oyuna təyinat alıb. Sportnet.az-ın məlumatına görə, Çakır H qrupunun Rusiya - Əlcəzair qarşılaşmasını idarə edəcək.
Matç iyunun 27-nə keçən gecə Bakı vaxtı ilə saat 1:00-da başlanacaq. Bu görüş hər iki yığma üçün xüsusi əhəmiyyət kəsb edəcək. 2 turdan sonra Əlcəzairin 3, Rusiyanın 1 xalı var. Şimal qonşularımız qalib gələ bilməsələr, mübarizəni dayandırmalı olacaqlar. Əvəzində Afrika təmsilçisinə heç-heçə də kifayətdir. Daha öncə Çakır 2-ci turda A qrupunun Braziliya - Meksika qarşılaşmasının referisi olub. Həmin oyun qolsuz tamamlanıb - 0:0.
Qeyd edək ki, Cüneyt Çakır 1974-cü il dünya çempionatında matç idarə etmiş Doğan Babacandan sonra mundialda fit çalan ilk türkiyəli referidir.
