İngiltərəli boksçu Entoni Smoll Suriyaya "İslam dövləti" terror təşkilatına (İŞİD) dəstək məqsədilə iki nəfəri göndərməkdə ittiham olunub. Sportnet.az-ın məlumatına görə, Londonda polislərin antiterror əməliyyatı zamanı 20 nəfəri qeyri-qanuni yolla ölkədən çıxaran yük maşınını saxladıqları zaman Smoll həbs olunub.
Eks-boksçu əlbir olduğu Maykl Kou və Saymon Kiler ilə birgə dekabrın 14-də məhkəmə önünə çıxıb. Onlar qadağan olunmuş təşkilatı dəstəkləməkdə və saxta sənədlər əldə etmək üçün danışıqlarda iştirak etməkdə təqsirləndiriliblər.
