Birləşmiş Ərəb Əmirliyinin paytaxtı Əbu-Dabidə keçirilən Böyük Dəbilqə turnirinin ikinci günündə Azərbaycanın daha 2 cüdoçusu mübarizəyə qoşulub.
Sportnet.az xəbər verir ki, 73 kq çəki dərəcəsində çıxış edən Hidayət Heydərov və Rəşid Məmmədəliyev tatamiyə çıxıb.
Heydərov ilk görüşündə Moldova təmsilçisi Adil Osmanova qalib gəlsə də, 1/8 finalda tacikistanlı Muhiddin Asadulloyevə uduzaraq, mübarizəni dayandırıb.
Məmmədəliyev isə 1/16 finala təsadüf edən ilk görüşündəcə ABŞ təmsilçisi Stiven Bolbaatara yenilərək, yarışla erkən vidalaşıb.
Qeyd edək ki, Azərbaycan cüdoçuları ilk yarış gününü də medalsız başa vurub.
