Sentyabrın 30-da Saxa Respublikasının Yakutsk şəhərində keçmiş SSRİ, Rusiya Federasiyası və Saxa Respublikasının əməkdar məşqçisi Dmitri Korkinin xatirəsinə həsr olunmuş 10-cu beynəlxalq turnir keçiriləcək.
Sportnet.az-ın məlumatına görə, sərbəst güləş üzrə keçiriləcək yarışa Azərbaycan yığma komandasının 3 üzvü qatılacaq.
Məşqçi Rövşən Hacıyevin rəhbərliyi altında Pərviz İbrahimov (57 kq), Məhəmməd Abdullayev (61 kq) və İbrahim Yusubov (86 kq) çıxış edəcək.
Turnirin proqramına əsasən sentyabrın 30-da 57 kq, 65 kq, 74 kq və 97 kq, oktyabrın 1-də isə 61 kq, 70 kq, 86 kq və 125 kq çəkidəki pəhləvanlar qüvvələrini sınayacaq.
