Vladiqafqazda keçirilən "Alans" beynəlxalq turnirinin ilk günündə sərbəst güləşçilərimiz 1 gümüş və 1 bürünc medal qazanıb.
Sportnet.az-ın Federasiyanın mətbuat xidmətinə istinadən verdiyi məlumata görə, 97 kq çəkidə yarışan Şərif Şərifov finala qədər bütün rəqiblərini tam üstünlüklə məğlub edib.
Finalda yerli idmançı Vladislav Baytsayevlə gərgin keçən qarşılaşma 1:1 hesablı bərabərliklə başa çatıb. Sonuncu xalı qazandığından qələbə rəqibə verilib. Təmsilçimiz gümüş medalla kifayətlənib.
57 kq çəkidə yarışan Georgi Edişeraşvili isə turnirin bürünc medalına sahib olub.
