Azərbaycanın qız güləşçisi Şahanə Nəzərova Xorvatiyanın paytaxtı Zaqrebdə yeniyetmələr arasında dünya çempionatında gümüş medal qazanıb.
Sportnet.az-ın məlumatına görə, 43 kq çəki dərəcəsində yer alan Nəzərova mübarizəyə 1/8 final mərhələsindən başlayıb. O, ardıcıl olaraq, yaponiyalı Anna Uenonu 9:2, fransalı Jüstin Viqurunu 6:0, ukraynalı Amina Ponomarovanı 10:0 hesabı ilə yendikdən sonra finala yüksəlib. Həlledici qarşılaşmada Nəzərova ABŞ təmsilçisi Emili Şilsona 4:14 hesabı ilə uduzaraq, ikinci yeri tutub.
Birgül Sultanova (57 kq) və Nigar Mirzəzadə (65 kq) isə elə ilk görüşdəcə uduzaraq, mübarizəni dayandırıblar.
