Azərbaycan cüdoçusu Rüstəm Orucov Çexiyanın paytaxtı Praqadakı Avropa çempionatında bürünc medal uğrunda görüşə çıxıb.
Sportnet.az-ın məlumatına görə, 73 kq çəki dərəcəsində mübarizə aparan idmançı İsveçrə Təmsilçisi Nils Stampla üz-üzə gəlib.
Qarşılaşmadan qalib ayrılan Orucov bürünc medal qazanıb.
----------------------------------------------------
Azərbaycan cüdoçusu Rüstəm Orucov Çexiyanın paytaxtı Praqadakı Avropa çempionatında təsəlliverici görüşə çıxıb.
Sportnet.az-ın məlumatına görə, 73 kq çəki dərəcəsində mübarizə aparan idmançı İsrail Təmsilçisi Tohar Butbulla üz-üzə gəlib.
Qarşılaşmadan qalib ayrılan Orucov bürünc medal uğrunda görüşdə iştirak hüququ qazanıb.
-------------------------------------------------------
Bu gün Azərbaycanın daha 3 cüdoçusu Çexiyanın paytaxtı Praqadakı Avropa çempionatında mübarizəyə qoşulub.
Sportnet.az-ın məlumatına görə, 73 kq çəkidə dərəcəsindəki Rüstəm Orucov Klaudio Nunyes Dos Santos (Lüksemburq) və Aleksandru Raykuya (Rumıniya) qalib gəlsə də, 1/4 finalda Laşa Savdatuaşviliyə (Gürcüstan) yenilib. Onun təsəlliverici görüşdəki rəqibi Tohar Butbul (İsrail) olacaq.
Bu çəkidə Telman Vəliyev 1/16 finalda Vadim Şokaya (Belarus) uduzaraq mübarizəni erkən dayandırıb.
81 kq çəkidəki Murad Fətiyev ardıcıl olaraq Yaromir Musil (Çexiya), Anri Egutidze (Portuqaliya) və Dominik Druzetanı (Xorvatiya) mübarizədən kənarlaşdırıb. 1/4 mərhələsində Mattias Kasseyə (Belçika) uduzan cüdoçu təsəlliverici görüşdə iştirak hüququ əldə edib. Fətiyev bu mərhələdə gürcüstanlı Luka Maisuradzeyə yenilərək, 7-ci yerlə kifayətlənib.
-----------------------------------------------------------
Çexiyanın paytaxtı Praqada keçirilən Avropa çempionatında bu gün Azərbaycanın 3 cüdoçusu tatamiyə çıxacaq.
Sportnet.az-ın məlumatına görə, Rüstəm Orucov və Telman Vəliyev (hər ikisi 73 kq) 1/16 final, Murad Fətiyev (81 kq) isə 1/32 final mərhələsindən mübarizəyə qoşulacaq.
73 kq
1/4 final. Rüstəm Orucov - Laşa Savdatuaşvili (Gürcüstan)
1/8 final. Rüstəm Orucov - Aleksandru Raicu (Rumıniya)
1/16 final. Rüstəm Orucov - Klaudio Nunyes Dos Santos (Lüksemburq)
1/16 final. Telman Vəliyev - Vadim Şoka (Belarus)
81 kq
1/4 final. Murad Fətiyev - Mattias Casse (Belçika)
1/8 final. Murad Fətiyev - Dominik Druzeta (Xorvatiya)
1/16 final. Murad Fətiyev - Anri Egutidze (Portuqaliya)
1/32 final. Murad Fətiyev - Yaromir Musil (Çexiya)
Qeyd edək ki, ilk yarış günündə Orxan Səfərov (66 kq) qızıl medal qazanıb.
