Azərbaycanın daha 5 cüdoçusu Türkiyənin Antalya şəhərində keçirilən Böyük Dəbilqədə mübarizəni dayandırıb.
Sportnet.az-ın məlumatına görə, kişilərin yarışında 73 kq-da çıxış edən Rüstəm Orucov 1/16 finalda Denislav İvanova (Bolqarıstan) qalib gəlsə də, növbəti görüşdə İdo Levinə (İsrail) uduzub.
Bu çəki dərəcəsindəki digər cüdoçu Telman Vəliyev təsnifatda Coşua Qrini (İrlandiya) yenib. Lakin o, 1/16 finalda Turpal Cukayevlə (Finlandiya) bacarmayıb.
81 kq-da yarışan Elcan Hacıyev startda Jim Heyjmandan (Hollandiya) güclü olsa da, ardınca Nikolya Şilara (Fransa) məğlub olub.
Mübarizəyə təsnifatdan başlayan Murad Fətiyev də ilk görüşünü qələbə ilə başa vurub. Kedrik Kalonqa (Konqo Demokratik Respublikası) ilə dueldən qalib ayrılan cüdoçu 1/16 finalda Giorgi Şerazadişviliyə (Gürcüstan) uduzub.
Qadınların mübarizəsində isə 70 kq-da yer alan Günel Həsənli 1/16 finala təsadüf edən ilk qarşılaşmada Lidya Brançevaya (Bolqarıstan) məğlub olub.
Qeyd edək ki, ilk yarış günündə tatamiyə çıxmış 7 cüdoçu da medal qazana bilməyib.
------------------------------------------
Bu gün Azərbaycanın daha 5 cüdoçusu Türkiyənin Antalya şəhərində keçirilən Böyük Dəbilqədə mübarizəyə başlayacaq.
Sportnet.az-ın məlumatına görə, kişilərin yarışında 73 kq-da çıxış edən Rüstəm Orucov 1/16 finalda Denislav İvanov (Bolqaristan) / Hektor San Roman Çaves (Kuba) cütünün qalibi ilə qarşılaşacaq. Bu çəki dərəcəsindəki digər cüdoçu Telman Vəliyev təsnifatda Coşua Qrini (İrlandiya) sınağa çəkəcək.
81 kq-da yarışan Elcan Hacıyev və Murad Fətiyev mübarizəyə təsnifatdan başlayacaqlar. Onlar müvafiq olaraq Jim Heyjman (Hollandiya) və Kedrik Kalonqa (Konqo Demokratik Respublikası) ilə üz-üzə gələcək.
Qadınların mübarizəsində isə 70 kq-da yer alan Günel Həsənli 1/16 finalda Lidya Brançeva (Bolqarıstan) ilə görüşəcək.
Kişilər
73 kq
1/16 final. Rüstəm Orucov - Denislav İvanov (Bolqarıstan)
1/8 final. Rüstəm Orucov - İdo Levin (İsrail)
Təsnifat. Telman Vəliyev - Coşua Qrin (İrlandiya)
1/16 final. Telman Vəliyev - Turpal Cukayev (Finlandiya)
81 kq
Təsnifat. Elcan Hacıyev - Jim Heyjman (Hollandiya)
1/16 final. Elcan Hacıyev - Nikolya Şilar (Fransa)
Təsnifat. Murad Fətiyev - Kedrik Kalonqa (Konqo Demokratik Respublikası)
1/16 final. Murad Fətiyev - Giorgi Şerazadişvili (Gürcüstan)
Qadınlar
70 kq
Günel Həsənli - Lidya Brançeva (Bolqarıstan)
Qeyd edək ki, ilk yarış günündə tatamiyə çıxmış 7 cüdoçudan heç biri medal qazana bilməyib.
