"Baku Fires"ın heyəti açıqlandı
Qazaxıstanın Çimkənd şəhərində WSB (Ümumdünya Boks Seriyasının) 10-cu turu çərçivəsində Azərbaycanın "Baku Fires” klubu növbəti döyüşünü keçirəcək. Sportnet.az-ın məlumatına görə, ölkə təmsilçisi "Astana Arlans”ın qonağı olacaq.
Cari mövsümdə bütün görüşlərdə qalib gələn Qazaxıstan komandası və "Bakı Fires"ın heyəti məlum olub.
"Astana Arlans” – "Baku Fires”
52 kq. Oljas Sattıbayev – Murad Rabadanov
60 kq. Zakir Safiullin – Albert Səlimov
69 kq. Kanaqat Maralov - Pərviz Bağırov
81 kq. Hrvoe Sep – Mixail Dauqalivets
+91 kq. Filipp Hrqoviç – Hacı Murtuzəliyev
"İtalia Thunder”lə səfər qarşılaşmasında qalib gələn Rabadanov bu dəfə də heyətə daxil edilib. "Baku Fires”in baş məşqçisi fərdi reytinqdə 1-ci olan Albert Səlimovu da Qazaxıstana aparmağı məqsədə uyğun sayıb. Boksçumuz ötən il Bakıda keçirilən "İpək Yolu” turnirinin qalibi olmuş Safiullinlə üz-üzə gələcək.
Fərdi reytinqdə 4-cü yerdə olan Pərviz Bağırov lisenziya şansını artırmaq üçün mütləq Qazaxıstandan qələbə ilə dönməlidir. "Astana Arlans” komandasının ən güclü boksçuları 81 və super ağır çəki dərəcələrində olan idmançılardır. Xorvatiyalı Hrvoe Sep hazırda fərdi reytinqdə 3-cü yeri tutur. Xorvatiyalı boksçu 2011-ci ildə Ankarada keçirilən Avropa çempionatının bürünc mükafatçısı olub. Filipp Hrqoviç reytinq cədvəlinə başçılıq edir. Onun qarşısına bu il liqada ilk görüşünü keçirəcək Hacı Murtuzıliyev çıxacaq.
Qubada keçirilən ilk görüşdə "Astana Arlans” Baku Fires”i 3:2 hesabı ilə məğlub etmişdi.
Bu həftə B qrupunda "Caciques Venezuela” doğma divarlar arasında USA "Knockouts” komandasını qəbul edəcək. "Puerto Rico Hurricanes” "İtalia Thunder”lə qarşılaşacaq. "Rafako Hussars Poland” isə "Argentina Condors”un qonağı olacaq.
Turnir cədvəli
1. "Astana Arlans” – 27 xal, (döyüşlərin nəticələri 37-8)
2. Baku Fires – 20, (31-14)
3. USA "Knockouts” – 19, (25-20)
4. İtalia Thunder” – 16, (25-19)
5. "Puerto Riko Hurricanes” – 14, (20-25)
6. "Venezuela Cacquez” – 11, (16-29)
7. "Rafako Hussars Poland” – 10, (17- 28)
8. "Argentina Condors” – 1, (8-36)
Qeyd edək ki, WSB liqasından 17 boksçu mövsümün sonunda Rio-2016-ya vəsiqə qazanacaq. 49, 91 və +91 kq çəki dərəcələrində 1 idmançı, digər çəkilərdə isə 2 boksçu planetin ən böyük yarışına lisenziya əldə edəcək.
