Finlandiyanın Tampere şəhərində güləş üzrə gənclər arasında dünya çempionatı davam edir.
Sportnet.az xəbər verir ki, ikinci yarış günündə 55 kq, 66 kq, 84 kq və 120 kq çəki dərəcələrində sərbəst güləşçilər yarışıb. Azərbaycan güləşçiləri günü 2 bürünc medalla başa vurub.
55 kq çəki dərəcəsində mübarizə aparan Əfqan Xaşalov ilk görüşündə Bolqarıstan idmançısına qalib gəlsə də, növbəti görüşdə ABŞ təmsilçisinə uduzub. Rəqibin finala yüksəlməsi ilə təsəlliverici görüşlərə qatılan Xaşalov ardıcıl olaraq Əlcəzair və Özbəkistan idmançılarını məğlub edib. Bürünc medal uğrunda həlledici görüşdə o, İran təmsilçisinə qalib gəlib.
84 kq çəkidə yarışan Hacımurad Məhəmmədsəidov ilk görüşündə ABŞ təmsilçisinə uduzub. Ancaq rəqibin finala yüksəlməsi ona təsəlliverici görüşə qatılmaq şansı verib. Koreya təmsilçisini mübarizədən kənarlaşdıran Məhəmmədsəidov bürünc medal uğrunda görüşdə Hindistan idmançısı ilə qarşılaşıb. Görüşü tam üstünlüklə tamamlayan təmsilçimiz bürünc medal qazanıb.
55 kq
Bürünc medal görüşü. Əfqan Xaşalov - Nadir Amirqoli Nasrisamokuş (İran)
Təsəlliverici görüş. Əfqan Xaşalov - Qulomjon Abdullaev (Özbəkistan) - 7:1
Təsəlliverici görüş. Salah Eddine Kateb (Əlcəzair) - Əfqan Xaşalov - 0:10
1/8 final. Əfqan Xaşalov - Daton Duain Fiks (ABŞ) - 0:10
1/16 final. Mikyay Salim Naim (Bolqarıstan) - Əfqan Xaşalov - 6:7
66 kq
1/4 final. Amirhossein Ali Hosseini (İran) - Mahal Novruzov - 19:14
1/8 final. Mahal Novruzov - Aziz Riskeldi Uulu (Qırğızıstan) - 5:0 (tuşe)
84 kq
Bürünc medal görüşü. Hacımurad Məhəmmədsəidov - Deepak Punia (Hindistan)
Təsəlliverici görüş. Çeolyeon Li (Cənubi Koreya) - Hacımurad Məhəmmədsəidov - 0:10
1/8 final. Hacımurad Məhəmmədsəidov - Zahid Valensia (ABŞ) - 2:11
120 kq
Təsəlliverici görüş. Umar İsrailov - Zuriko Urtaşvili (Gürcüstan) - 6:13
Təsəlliverici görüş. Xasanboy Raximov (Özbəkistan) - Umar İsrailov - 2:6
1/8 final. Qable Dan Steveson (ABŞ) - Umar İsrailov - 13:0
1/16 final. Umar İsrailov - Benxin Duan (Çin) - 14:3
Qeyd edək ki, ilk yarış günündə güləşçilərimizdən Şahin Muxtarov (50 kq) bütün rəqiblərinə qalib gələrək qızıl medal qazanıb.
