İspaniyanın "Atletiko" klubu italiyalı idman direktoru Andrea Berta ilə yolları ayırıb.
Sportnet.az xəbər verir ki, bu barədə Madrid təmsilçisinin mətbuat xidməti məlumat yayıb.
Tərəflər müqaviləyə qarşılıqlı razılıq əsasında xitam veriblər. A.Berta 2013-cü ildə "Cenoa"dan "Atletiko"ya keçib. Əvvəlcə Madrid təmsilçisinin beynəlxalq skautinq şöbəsində çalışan sabiq klub rəsmisi 2017-ci ildən idman direktoru vəzifəsini icra edirdi.
Qeyd edək ki, A.Bertanın işlədiyi müddətdə "Atletiko" 2013-cü ildə İspaniya Kubokunun, 2013/2014 və 2020/2021 mövsümlərində iki dəfə La Liqanın qalibi olub. Komanda 2014-cü ildə İspaniya Superkubokunu, 2017/2018 mövsümündə UEFA Avropa Liqasını və 2018-ci ildə UEFA Superkubokunu qazanıb.
