Bu gün UEFA Çempionlar Liqasında 1/8 final mərhələsinə start veriləcək.
Sportnet.az xəbər verir ki, ilk oyun günündə 4 görüş keçiriləcək.
Əvvəlcə Belçikada "Brügge" və İngiltərənin "Aston Villa" komandaları münasibətlərinə aydınlıq gətirəcək.
Gecənin qarşılaşmaları arasında turnirin son qalibi İspaniyanın "Real Madrid" komandasının "Atletiko" ilə görüşü daha çox diqqət mərkəzində olacaq.
Ötən mövsümün finalçısı Almaniya "Borussiya"sı isə Dortmundda Fransa "Lill"ini qəbul edəcək.
İtaliya "Yuventus"unu mübarizədən kənarlaşdırmış PSV isə Niderlandda İngiltərə "Arsenal"ı ilə üz-üzə gələcək.
UEFA Çempionlar Liqası
1/8 final, ilk oyunlar
21:45. "Brügge" (Belçika) - "Aston Villa" (İngiltərə)
00:00. "Real Madrid" (İspaniya) - "Atletiko" (İspaniya)
00:00. PSV (Niderland) - "Arsenal" (İngiltərə)
00:00. "Borussiya" (Dortmund, Almaniya) - "Lill" (Fransa)
Qeyd edək ki, bu mərhələnin digər 4 ilk oyunu martın 5-də keçiriləcək. Cavab qarşılaşmaları isə 11-12 martda olacaq.
