"Sumqayıt" klubu Azərbaycan millisində də çıxış edən hücumçusu Məhəmməd Qurbanovun "Neftçi"yə transferindən müəyyən məbləğdə vəsait və yarımmüdafiəçi Emin Mehdiyevi əldə edib. Sportnet.az-ın məlumatına görə, bu barədə "Sumqayıt"ın rəsmi saytında bildirilir.
Xəbərdə Mehdiyevin yeni klubu ilə 2 illik müqavilə bağladığı bildirilir. "Gənclik şəhəri" təmsilçisi ötən mövsüm Premyer Liqada 19 qol vurmuş bombardirini əldən buraxmasını, əvəzində bundan açıqlanmayan məbləğdə pul və əsas heyətə çətinliklə düşən futbolçu əldə etməsini uğurlu transfer siyasətinin nəticəsi kimi dəyərləndirib.
Qeyd edək ki, "Neftçi" də Məhəmməd Qurbanovla eyni müddətə anlaşıb.
