"Neftçi"nin yeni transferi İqor Ribeyro son bir ayda ikinci dəfə qırmızı vərəqə alıb.
Sportnet.az-ın məlumatına görə, braziliyalı mərkəz müdafiəçisi ilk dəfə "Araz-Naxçıvan"ın heyətində ikən cəzalanıb.
İyulun 31-də Yunanıstanda "Aris"lə UEFA Konfrans Liqasının II təsnifat mərhələsinin cavab görüşünün 52-ci dəqiqəsində kobud oyunu səbəbindən meydandan qovulub.
Sonradan "Neftçi"yə keçən "sambaçı" bu gün "Turan Tovuz"la oyunun 57-ci dəqiqəsində rəqib futbolçu Faiq Hacıyevi vurduğu üçün qarşısında birbaşa qırmızı vərəqə görüb.
Qeyd edək ki, "Araz-Naxçıvan" İqor Ribeyro qovulduqdan sonra 2:2 hesablı heç-heçəyə nail olaraq, mərhələ adlamağı bacarsa da, "Neftçi" "Turan Tovuz"a 0:1 hesablı məğlubiyyətdən yaxa qurtara bilməyib.
