"İmişli" klubu Azərbaycan Premyer Liqasının IV turunda "Sumqayıt"ı Quba Olimpiya İdman Kompleksinin (OİK) stadionunda qəbul edəcək.
Peşəkar Futbol Liqasının (PFL) mətbuat xidmətindən Sportnet.az-a verilən məlumata görə, sentyabrın 13-də keçiriləcək görüş saat 16:30-da başlanacaq.
PFL-dən bildirilib ki, Quba OİK stadionunda təftiş nəticəsində meydana çıxan çatışmazlıqların aradan qaldırılması yönündə “İmişli” klubu tərəfindən işlər davam etdirilir.
PFL aparılan işləri nəzarətdə saxlayır. Yekun təftişdən sonra “İmişli” – “Sumqayıt” oyununun məkanında dəyişiklik ediləcəyi təqdirdə ictimaiyyətə məlumat veriləcək.
Qeyd edək ki, "İmişli" ilk 2 turdakı ev oyunlarını Şamaxı şəhər stadionunda keçirib.
