Sloveniyada təlim-məşq toplanışında olan 19 yaşadək futbolçulardan ibarət Azərbaycan milli komandası bu gün “Slovenia Nations Cup” yoldaşlıq turnirində üçüncü oyununa çıxıb.
Sportnet.az xəbər verir ki, U-19 sonuncu matçında Polşanın müvafiq yaş qrupundan ibarət komandası ilə qarşılaşıb. “Çatez” stadionunda keçirilmiş görüş rəqib komandanın böyük hesablı qələbəsi ilə yekunlaşıb - 6:0.
Elxan Abdullayevin baş məşqçi olduğu milli oyunu aşağıdakı heyətlə keçirib: 1. Həbib Hüşənov (12. Aftandil Arıxov, 68), 3. Vüsal Paşayev, 23. Rəşad Alışov, 21. Ömər Həsənli (18. Həzrət Səmədov, 74), 4. Məsud Əlişanlı, 5. Əlibəy Mahmudov, 19. Eltun Babazadə (11. Mehdi Mütəllimli, 68), 7. Ziya Şəkərxanov, 10. Şahin İbrahimov (16. Cəlil Allahverdiyev, 68), 8. Əliəkbər Rzazadə (13. Emil Həsənov, 74), 9. Nihad Orucəli (20. Arzu Mədətov, 74).
Daha əvvəl Azərbaycanın U-21 yığması Avropa çempionatının seçmə oyununda Portuqaliyaya, əsas milli isə dünya çempionatının seçmə oyununda İslandiyaya uduzub - 0:5.
Qeyd edək ki, U-19 ilk iki görüşdə İslandiya və Farer adaları yığmaları üzərində 2:1 hesablı qələbə qazanıb.
