Çempionlar Liqasının II təsnifat mərhələsi çərçivəsində "Qarabağ" (Azərbaycan) - "Rudar" (Monteneqro) qarşılaşmasından öncə keçiriləcək mətbuat konfanslarının vaxtı məlum olub. Sportnet.az-ın məlumatına görə, iyulun 14-ü saat 19:30-da ilk olaraq "Qarabağ"ın baş məşqçisi Qurban Qurbanov media nümayəndələrinin önünə çıxacaq.
Saat 19:45-də isə meydan sahiblərinin oyunöncəsi son məşqi baş tutacaq.
"Rudar"ın baş məşqçisi Mirko Mariçin mətbuat konfransı isə saat 21:00-da təşkil olunacaq. Bundan yarım saat sonra qonaqlar oyunöncəsi sonuncu məşqə çıxacaq.
Qeyd edək ki, "Qarabağ" - "Rudar" qarşılaşması iyulun 15-də saat 21:30-da Tofiq Bəhramov adına Respublika stadionunda baş tutacaq.
