Futbol üzrə Ermənistan millisi AVRO-2016-nın seçmə mərhələsinin son oyununda evdə Albaniyaya məğlub olduğu üçün mükafat alıb. Sportnet.az-ın Albaniya mətbuatına istinadən məlumatına görə, nəticəsinin əvvəlcədən razılaşdırıldığı iddia edilən oyuna görə, Ermənistana 2 milyon avro mükafatın ödənildiyi iddia edilib.
Fransada keçiriləcək final mərhələsində iştirak üçün 3 xal lazım olub. İddiaya əsasən Albaniya ödənilən mükafat sayəsində qələbə qazanıb.
İrəvanda keçirilmiş Qarşılaşma qonaqların 3:0 hesablı qələbəsi ilə yekunlaşıb və Albaniya qrup ikincisi (14 xal) kimi Danimarkanı (12 xal) qabaqlayıb və Avropa çempionatının final mərhələsinə vəsiqə qazanıb.
