"Qəbələ” Azərbaycan Kubokunun 1/4 final mərhələsinin "Zirə” ilə ilk oyununun hazırlıqlarını davam etdirir. Sportnet.az-ın məlumatına görə, "qırmızı-qaralar" Premyer Liqanın XXIII turunun fevralın 27-də keçirilmiş "Xəzər Lənkəran”la ev oyununun (0:0) ardından məşqlərə ara verməyib.
Qəbələdəki hazırlıq prosesinə zədədən sonra komandaya qoşulan Aleksey Antonovla Dodo da qatılıb. Braziliyalı komanda ilə, ukraynalı isə fərdi məşq edib. Sabah səhər Bakıya yola düşəcək komanda oyuna hazırlıqları paytaxtda yekunlaşdıracaq.
Qeyd edək ki, "Zirə” – "Qəbələ” oyunu martın 2-də keçiriləcək. Qarşılaşma saat 18:00-da başlayacaq.
