Malta "Valletta"sı Çempionlar Liqasının II təsnifat mərhələsindəki rəqibi "Qarabağ"la ilk görüşə itkilərlə çıxacaq. Sportnet.az-ın məlumatına görə, bunu komandanın baş məşqçisi Gilbert Aquis bildirib.
O, Maltada baş tutacaq matçda qapıçı Manuel Bartolo və hücumçu Llivelin Kremonenin meydanda olmayacağını deyib. Yoldaşlıq görüşündə zədələnən Adrian Zahranın isə meydana çıxıb-çıxmayacağı dəqiq bilinmir.
Qeyd edək ki, "Qarabağ" və "Valletta" klubları arasında keçiriləcək ilk görüş iyulun 15-də Bakı vaxtı ilə 21:30-da Ta Qali şəhərində yerləşən Milli Stadionunda baş tutacaq.
