"Barselona”nun ulduz futbolçusu Lionel Messi İspaniya Primerosundan sonra Çempionlar Liqasında (ÇL) da rəqibi olan "Atletiko” üçün ən arzuolunmaz futbolçudur. Sportnet.az-ın məlumatına görə, argentinalı hücumçu karyerasında ən çox məhz bu komandaya qol vurub.
Belə ki, Messi "Atletiko”ya qarşı keçirdiyi 28 oyunda 25 qola imza atıb. Bunlardan 3-ü isə het-trik olub. Madridlirlərin ən çox qol buraxdıqları futbolçu da məhz Messidir.
"Atletiko”dan "Barselona”ya ən çox qol vuran futbolçu isə Fernando Torresdir. Təcrübəli hücumçu 10 qoldan 9-u indiki komandasının, 1-ni isə "Çelsi”nin heyətində vurub.
Qeyd edək ki, "Barselona" ilə "Atletiko" arasında ÇL-nin 1/4 final mərhələsində ilk oyun bu gün "Kamp Nou"da olacaq.
